Øks

Økser er tunge turreiskaper som ein ofte ikkje treng. Ei turøks kan likevel vere nyttig på turar der du legg opp til mykje bålfyring — då er det greitt å kunne kløyve veden.

Ei passe turøks bør ikkje vere for stor — det skal vere mogleg å pakke ho med — men samtidig vere tung nok og ha langt nok skaft til å skape moment. Små lette økser med kort skaft er lettare å skade seg med, og dårlegare eigna.

Ei passe turøks er ikkje lengre enn dagstursekken, men lang nok til å vere anvendeleg. Øksehovudet bør ha nok tyngde til å enkelt kløyve ved.

Farleg verktøy

Som med alle skarpe reiskaper: bruk øksa vendt vekk frå folk. Sving aldri ei øks mot andre menneske — øksehovudet kan losne frå skaftet og treffe nokon.

Øksa bør ikkje vere altfor skarp. Hogg du deg i foten med ei skarp øks, er katastrofen total. Med ei sløv øks slepp du kanskje unna med blåmerke.